BEG ONA
Aldarko’sa qizi aytgan qo’shiqni
tinglab o’tirgandi:
-Bu tanish ovoz-ku?-dedi xonaga kirib kelgan nevarasi.
Aldarko’sa darhol ovozni o’chirdi-da:
-Qanaqasiga tanish bo’lsin, begonaku?!-dedi.
-Qachondan beri oyim sizga begona bo’lib qoldilar? Hozir borib aytaman!
Aldarko’saning rangi oqarib ketdi va:
-To’xtang, to’xtang, Bek, Siz tilni ham yaxshi bilmas
ekansiz-ku,-dedi.-Men Beg ona, ya’ni bekning onasi dedim!
“AMIR AKA!”
-Yangilaridan bormi?-deb so’radi Aldarko’sa har kungi
latifalarni aytib turadigan maslahatchisidan.
-Bugun 11 Sentyabr, Amerika haqidagisini eshiting,-dedi maslahatchi.
-Qani… qani..
-Amerikani ham o’zimiz kashf qilgan ekanmiz. Bir kuni
Amer Temur bu qit’ani bosib olib, odamlaridan ko’ngli
to’lmay ortga qaytayotgan ekan, ular uning ortidan “Amir aka,
Amir aka!” deb dodlab qolibdilar. Ularning sohilda turib,
“Amir aka, Amir aka” deb dodlashlarini eshitib qolgan
sayyohlar bu joyning nomi “Amerika” deb o’ylab, shunday deb atay boshlabdilar…
-Unday bo’lsa, nega bu dinchilar ham o’z boshliqlarini “Amir aka” deb chaqiradilar?
-Menimcha, boshliqlari “Amerikani men ochganman!” degan bo’lsa kerak-da!
-Balki biz ham amirlik boshqaruviga o’tsak-mi?
-Biz zotan amirlik-ku!
-Unda nega meni “Amir aka” deb chaqirmaysan!
“KETSAM”
-Men ketsam nima
bo’ladi?-deya so’radi Aldarko’sa maslahatchidan.
-Qachon ketasiz?-deya ajablandi maslahatchi.
-Qachon bo’lsa ham, agar ketsam nima bo’ladi?
-Men tassavvur qila olmayman.
-Nima, ketsam shuncha yomon bo’ladimi-ki, tassavvur qila olmaysan?
-Yo’q, ketishingizni tassavvur qila olmayman!
BOZOR…
-YUNESKO nega menga oltin suvu yugurtirilgan
medal
berdi?-deya so’radi Aldarko’sa maslahatchidan.
-Bozor iqtisodiyotiga o’tishni biz emas, g’arbliklar talab
qilishmoda. Buning ustiga oltinning bahosi
qimmatlashgan.
-Blarning bozor iqtisodiga-yu YUNESKO medaliga nima aloqasi bor?
-Ha, ilgari zarbof to’nlarni shunday berardik-da!
AGAR
-Butun dunyo bizni
maqtab yozmoqda,-dedi maslahatchi Aldarko’saga.
-Xususan qaysi mamlakatlar?
-
-Yashasin Fidel og’am!
-Inisidan og’asiga bitta maqtov maktubi yozaylik-mi, bo’lmasa?!
-Qarab turlaring, agar o’lmasa yozlaring!
-Jozibasi juda kuchli, o’lsa ham ko’p odamni tortadi, ko’p odamni bir joyga
to’playdi…
-Bo’pti, yozib qo’yaver, agar o’lib qolsa,
xatni o’zim olib boraman, o’zim o’qib beraman!
5-9-2006
QABUL
-Ertaga Yunesko rahbari kelmoqda? Qabul qilasizmi?-deb
so’radi
maslahatchi Aldarko’sadan.
-U kim bo’ldi?
-Dunyo bolalar tashkilotining rahbari…
- Meni bolalar bilan necha pullik ishim bor?
-Ammo ularning katta-katta, pullik ishlari bor!
-Unday bo’lsa nega so’rab o’tiribsan? Unga ayt,
mening ham bolalarim, nevaralarim bor!
MARDIKOR
Aldarko’sa Nursulton bilan Ostona shahriga chiqdi. Odamlar
uni o’rab olib, u bilan salomlashishga oshiqardilar.
Lekin bitta keksa odam chetdan unga yomon qarab turgandi.
-Ana u odam Hizb-ut-tahrir bo’lishi mumkin,
tag’in suiqasd qilmasin?- dedi Aldarko’sa.
Darhol haligi odamni ushlab, tekshirishdi.
-U bizdan emas. Sizlardan bu yerga kelib ishlayotgan mardikor ekan,-dedi Nursulton.
Aladarko’sa hovliqib qoldi:
-Ko’rdingmi, gapim to’g’ri chiqdi, uni qo’yib yuborma!
SAMOLYOTDA
Aldarko’sa va Nursulton Ostonaga samolyotda uchub
borishayatgan edi.
-Esingdami, Sovet davrida Siyosiy Buyro rahbarlari
samolyotdan maktub yo’llashardi, men bitta maktub
yozib
tashlab yuborsam, xalqing xursand bo’larmidi?-dedi Aldarko’sa Nursultonga.
-Nafaqat mening xalqim, hatto sening ham xalqing
juda xursand bo’lardi, agar xatni emas, o’zingni tashlab yuborsang!,-dedi Nursulton.
OILAGA
Aldarko’sa bayram nutqini ko’tarib minbarga chiqdi va o’qiy boshladi:
-Men sizlarga 15 yilda jannat qurib berdim. Butun
istaganingizni muhayyo etdim. Mamlakatning yer osti va yer
usti boyliklarini qo’lingizga berdim. Dunyoning eng
ilg’or texnologiyasi, olimlari, tabiblari xizmatingizda.
Oy desangiz oy qo’lingizga qo’nadigan qilib qo’ydim…
U yana nimalar qilib berganini yarim soat aytdi-da keyin
boshini ko’tarib ko’zining ostidan bayramning
birinchi qatorida o’tirgan oila a’zolariga qarab qo’ydi.
1-9-2006
E’TIROF
Maslahatchi Lomonosov nomidagi oliygoh filiali
binosining tantanali ochilishida qatnashgan Aldarko’sadan
so’radi:
-Balki oliygohga o’zimizdan bir kishining ismini bersak yaxshi bo’larmidi?
-Qanday taklifing bor?
-Takliflar ko’pu faqat bitta lekini bor-da!
-Nima ekan?
-O’zimizdan bittasining nomini qo’ysak,
Oq poshsho mening nomimni qo’ymabsizlar deb xafa bo’lmasmikan?
- Xafa bo’lmaydi. U afandi odam! Undan keyin kim
keladi va nima deydi Xudo biladi. Shuning
uchun bilganingni qilaver, ungacha, yo Afandi o’ladi, yo eshagi!
30-8-2006
OTAMAN!
-Hamma yoqda saylov haqida gapira boshladilar.
Saylov ham
yaqinlashgandur?-dedi qizi Aldarko’saga.
-Istagan paytimizda o’tkazamiz,-deb javob qildi Aldarko’sa.
-Kimga ovoz beramiz?-deb gapga aralashdi xotini.
-Kimga ovoz bermoqchi eding?
-Bilmasam, o’rtada qoldim!
-Bo’lmasa o’rtada turaver, saylovning senga qizig’i yo’q!
-Nega? Menga ham qizig’i bor, lappi etib yutqazsangiz nima
qilaman?
-Yutqazsam, sen onasisan, onam deb indamaydi,
onaligingni
qilaverasan, ammo men nima qilaman, axir men otaman!
-Menimi yoki o’zingizni-mi?-dedi qizi.
29-8-2006
MOS
-Qoyil, bir shoir dunyoning hamma hayvonlari haqida she’r yozibdi.
O’qisam hamma hayvonda bir yomon tomon bor ekan, demak
butun dunyoda shu hol ekan-da,-dedi Aldarko’sa maslahatchiga.
-Butun dunyoda emas, bizda shunday. Masalan, Amerikada
eng yaxshi hayvon-it, yoki eshak va fil mehnatkashlikning ramzi,
hatto siyosiy partiyalar buni o’zlariga ramz qilib olganlar.
-Nega bo’lmasa bizda boshqacha?
-Haligi gapingiz bor-ku?! O’zimizga xos, o’zimizga mos!-dedi maslahatchi.
28-8-2006
ILMA-TESHIK
Aldarko’sa maslahatchidan so’radi:
-Katta kalibrlisi zo’rmi yoki kichik kalibrlisimi?
-Qiningiz qanaqa? Kattasi sig’adimi, kichigimi,
shunga bog’liqda! Lekin kattalar zamoni o’tdi,
axlatxonalarda zanglab yotibdi, zamon kichiginiki, teshib ketadi.
-Seni teshganga o’xshaydi-a?
Maslahatchi Aldarko’saning uxlamay chiqqan ahvoliga qarab:
-Faqat men emas, ilma-teshik bo’lganlar ko’p,-dedi.
27-8-2006
URTO’QMOQ
Aldarko’sa Nursultonga sim qoqdi:
-Tayyorgarlikni yaxshiroq qil, faqat “Beshmarmoq” bilan qutulmaysan!
-Bilaman, senga “Beshbarmoq” kamlik qiladi, to’ymaysan,
shuning uchun
“Beshmarmoq”ning yoniga “
-Nega O’zbekistonga qaytib ketayapsizlar, axir Andijon
qatliomidan keyin sizlar uchun oraga kirgan qancha
xalqaro tashkilotlarni qiyin vaziyatga qo’ymoqdasizlar-ku?!
-Biz ularni emas, ular bizni qiyin vaziyatga qo’ydi…
-Qanday qilib?
26-8-2006
ENG SIFATLI
-Eng ulug’, eng aziz bayram - istiqlolimizning 15 yillik
to’yiga bag’ishlab “2006-sifat yili!” ko‘rgazmasi
yakuniga yetdi,-dedi sevinch bilan maslahatchi.
-Kim birinchi o’rinni oldi?-deya so’radi Aldarko’sa.
-Bizda ishlab chiqarilgan-mi? Demak, eng sifatli! Mamlakatimiz-birinchi!
-Darhol 50-60 kishini ordenga taqdim et! Mustaqillik bayramida o’zim topshiraman!
-Xo’p, bugunoq Farmon loyihasini tayyorlayman…
-Chet ellik ishtirokchilarni ham unutma!
-Ular kelishmadi, o’zlaridan ko’rishsin!
-Zotan ko’zimiz uchib turgani ham yo’q!
25-8-2006
TOZALOVCHI
-Ma’lumotlarga ko’ra odam boshiga non yeyish
kamayib ketibdi. Buni xalqqa qanday
tushuntirsak ekan?-deb so’radi maslahatchi Aldarko’sadan.
-Ma’lumotni e’lon qilmalaring!
-Allaqachon e’lon qilib yuborishibdi, buning uchun ba’zilarni jazoladik…
-Bo’pti, hali muxbirlarni chaqir, bu ma’lumot odam boshiga
ekanligini, asosiy non esa odamning qorniga ketishini tushuntirib beraman.
-Rahmat-e, doim xatoimizni o’zingiz tuzatib berasiz.
-Ha, ishni senlar qilasanlar, orqalaringni esa, men tozalayman!
24-8-2006
DIPLOMATLAR
Aldarko’sa Shanxay tashkiloti majlisiga kelgan
mehmonlar bilan otamlashib o’tirgandi, Xitoydan kelgan mehmon:
-Saylov bo’larmish, shu haqda eshitdik, rost gapmi?-deb so’radi.
-Men ham Internetda o’qib qoldim, lekin bu
Xitoyning ichki ishi, biz burnimizni tiqmaymiz,-dedi Aldarko’sa.
-Biz hamkormiz, bir-birimizdan hech narsani ayamaymiz,
agar shunday istagingiz bo’lsa, tortinmang, o’ta
mamnuniyat ila qabul etamiz!-deb javob qildi mehmon nazokat bilan.
23-8-2006
BU DUNYO…
-O’zbekistonning ichida turib diktatorni maqtagan
odamning bahonasi bo’lishi mumkin. Ammo chet
qanday bahonasi bo’lsihi mumkin?-dedi bir muhojir ikkinchisiga.
-Uning bahonasi kimga kerak!
-Bo’lmasa nega maqtaydi? Buni qanday tushinish kerak?
-Qanday tushunsangiz, shunday tushunavering…
-Ha, bu dunyoga har kim o’z vazifasini bajarish uchun keladi.
-“Bu dunyoga” deganda qaysi dunyoni, G’arbni nazarda tutayapsizmi?
-Siz ham qanday tushunsangiz, shunday tushunavering!
22-8-2006
O’TIRISH KERAK!
-O’zbekistonda yaxshi edi,-dedi chet elga kelgan bir
muxolifatchi ikkinchisiga.-Xorijdan
jaraq-jaraq pul olardik, soliq ham to’lamasdik.
-Bu yerda ham tekin yeb, tekin yotibsan-ku!-dedi oshnasi.
-Lekin it yotish, mirza turish-da! O’zbekistonda
dang’illama uy-joylarim qolib ketdi, qaytsammikan?
-Qayt, qaytaver, faqat unutma, u yerda
yotish ham, turish ham bo’lmaydi, o’tirish kerak!
21-8-2006
ASHADDIY DUSHMAN
-Kim men aytgan ishni uddalay olmasa arizasini yozib,
ko’zimdan yo’qolsin,-dedi Aldarko’sa va maslahatchilaridan
so’radi:-Qani, kim muxolifatni parchalab tashlaydi?
Hamma “Men” deya o’rnidan turdi.
Aldarko’sa jilmaydi va:
-Bu juda ham oson ish ekanligini bilaman. Buni o’zim ham
uddalay olaman. Qani kim muxolifatni birlashtira oladi?-dedi.
Hamma maslahatchilar qog’oz olib ariza yoza boshladilar.
-Nima, shu qadar og’ir ishmi, bu? Oldilariga chiqib, “Men
senlarning ashaddiy dushmaning bo’laman” desang,
bas, hammasi senga qarshi birlashadi.
Bosh maslahatchi arizasini Aldarko’saning stoliga qo’ydi-da:
-Taqsir, agar shunday bo’lsa, ular
allaqachon sizga qarshi birlashardilar-da,-dedi.
20-8-2006
CHIQIT
-Yangilik yaratdim, paxta chiqitidan pul
ishlab chiqarishni
topdim, bilasanmi, chiqitdan-a!-dedi
Aldarko’sa xotiniga.
-Yangilikmish, orqada qolibsan, xalq uni
necha yildan beri ishlatib yuribdi-ku!-dedi
xotini.
19-8-2006
QAMOQXONA
-Jasliqdagi yangi qamoqxonamizning qurilishi
qanday
ketmoqda?,-deb so’radi Aldarko’sa
maslahatchidan.
-Qamoqxonamizni aytganingizdek qilib,
G’arb dunyosi tajribalaridan kelib chiqib,
juda katta
qulayliklar bilan qurmoqdamiz,-dedi
maslahatchi.
-Uxlaydigan joy yaxshi bo’lsin, belga
botadigan bo’lmasin, Internet ham qo’ylaring…
-Xo’p, xo’p…darvoqe, qanaqa kondinsioner
o’rnataylik, chunki sizga uncha-buncha havo
sovutgich yoqmasligini bilaman…
18-8-2006
AYOLLAR
-Baxtiyorning boshini yor degandingiz,
yuborgan ayollarim
yorib qo’yishdi,-dedi maslahatchi
Aldarko’saga.
-Endi o’sha ayollaringni taloq qil,-dedi Aldarko’sa.
Maslahatchi ajablanib:
-Nega?-deb so’radi.
-Nega bo’lardi, bundaylar bilan bir marta ish qilib,
keyin quvib
yuborish kerak! Bo’lmasa nafaqa talab
qilib, seni boshingni ham yorishadi.
17-8-2006
ISTE’FO
-Bojxona ittifoqida zarar qilamizmi,
yutamzimi?-deb
so’radi maslahatchi Aldarko’sadan.
-Biz yutamiz, siz esa yutqazasiz…
-Mening kitobimda yutqazish yo’q. Darhol chorasini top
va “biz”ni “siz”ga, “siz”ni esa “biz”ga
almashtir!
-Gapingiz chin dildan-mi?
-Men qachon chin dildan gapirmabman?
-”Siz” “biz”ga, “biz” esa”siz”ga aylanishimiz uchun iste’fo berishingiz
kerak-da!
-Bo’pti, aytganing bo’laqolsin, Bojxona ittifoqidan iste’fo berdim!
16-8-2006
KELSIN-CHI?
-Bugun yana bitta muxolifatchi Andijon
masalasida AQSh va
Avropani yomonlab chiqdi,-dedi maslahatchi
Aldarko’saga.
-Saroy ostonasini yalayotgan itlarga qo’shilibdi-da,-javob qildi Aldarko’sa.
-U avropalashgan, o’z yalog’i bo’ladi, ostona yalamasa kerak…
-Bo’lmasa, kelsin-chi?! Yalashi uchun o’ziga munosibroq narsam bor!
15-8-2006
XAVFSIZLIK
Aldako’sa xavfsizlik kengashini o’tkazdi.
-Qanday xavf bor?-deya so’radi u kengashda qatnashgan qizidan.
-Kimga?-deya ajablandi qizi.
-Onangni eriga,-dedi jahl bilan Aldako’sa.
-Qaysi eriga?
14-8-2006
SOLIQLAR
-Soliqlarni yo’lga soldingmi?-deb so’radi Aldarko’sa maslahatchidan.
-Ha, yo’lga soldim, hammasi yo’lda, bugun-erta qo’lingizga yetib keladi.
-Odamalar nima deyishmoqda?
-Mamnun..
-Qanday bilding?
-Soliqlarning ortidan termulib, sidqidildan qo’l siltab qolmoqdalar…
-Sidqidildan ekanligini qayerdan bilding?
-Xalqning samimiyati haqida shubha qilmasak ham bo’ladi. Hatto birovning
uyiga tunda bosib kirgan qurolli bosqinchiga
ham
sidqidildan bor-narsani berib,
jon foydaga
qoldi deb mamnuniyat bilan
qo’l siltab qolishadi-ku…
13-8-2006
XITOY
-Xitoy bilan munosabatimiz qanday ketmoqda?-deb so’radi
Aldarko’sa maslahatchidan.
-E, hali uni ushlab ber, hali buni ushlab ber, deb xitoy qilib
yuborishdi,-dedi maslahatchi.
Aldarko’sa maslahatchiga ajablanib qaradi-da:
-Qani ko’zing qisiq emas-ku!-dedi.
MUXOLIFAT
-Nega muxolifat bir-birini yemoqda?-deb so’radi Aldarko’sa.
-Agar bir-birini yeyishdan to’xtasa, bizni yeydi-da,-deb javob qildi maslahatchi.
BAHO
Aldarko’sa
odam savdosi masalasidagi xabarlarni ko’rib qiziga dedi:
-Bu ketishda bir kun meni ham sotib yuborasan,
shekilli!
-Yog’e, sizni olishmaydi, ikki pulga qimmatsiz…
-Axmoq, o’z otangga shuncha ham past baho berasanmi?
-Ha, bo’pti uch pul.
-Nima, men o’zimni sotaman dedim-mi?
-Bo’lmasa nega savdolashayapsiz?
JALLOD
Saylov kampaniyasi arafasida:
-Men prezident bo’laman!-dedi
bittasi.
-Mana men prezident
bo’laman!-dedi boshqasi.
-Men ham prezident
bo’laman!-dedi yana bittasi.
Buni eshitib turgan maslahatchi
Aldarko’saga:
-Bularni prezidentlik
ishtiyoqidan sovutish uchun nimadir qilmasak bo’lmaydi,-dedi.
Aldarko’sa darhol buyurdi:
-Hamma lo’g’atlarni yig’ib olib,
“prezident” degan so’zning ma’nosini
“jallod”, deb o’zgartirib
chiqinglar va tezlikda
qayta nashr etinglar! O’shanda
ular “Men jallod bo’laman” deya olmaydi!
-Saylov boshlanmoqda, o’zingiz
yana prezident bo’lsangiz kitoblarni qayta nashr
etamizmi? Juda katta xarajat
bo’ladi-ku!
-Unday bo’lsa, qolaveradi!
UYATSIZ
-Amerikaliklarni
rosa so’kdik, dumi ham qolmadi, nog’orasi ham. Endi u yerdan
kelgan katta
mehmonning yuziga qanday qaraymiz?-dedi maslahatchi Aldarko’saga.
-Ha,
oldin qora ko’zaynak taqib ollaring!-dedi Aldarko’sa.
-U bugun biz bilan uchrashadi. Aytganingizdek, qora ko’zaynak taqib olamiz.
-Ertaga nima qiladi?
-Ertaga siz bilan uchrashmoqchi. Ko’zaynak olib kelaymi?
-Yo’q..
KLIP
-Qizingizni klipi chiqdi,
ko’rdingizmi?-dedi
Aldarko’saning xotini.
-Nima, yana rasvolik qilibdimi?
Yana o’sha yo’lga bosh
uribdimi? O’ldiraman uni!
-O’zingizni bosing! U ashula
aytmoqda, shuni klip
qilishibdi, birinchi klipi,
ko’rdingizmi o’zi?
-Uning birinchi klipi Dubayga borganda chiqqan
edi...
-Nega mening xabarim yo’q...
-Ja, ko’rmoqchi bo’lsang, ana
seyfda, lekin infarkt
bo’lib, o’lib qolma, deb
ko’rsatmagan edim!
TABARRUK
-Mana buni qara, eski do’stim
“Atrofimda yoshlar
to’planib qoldi,” deb maqtanib
yozibdi,-dedi Internetdagi
postinglarni o’qib o’tirgan
Aldarko’sa maslahatchiga.
-U qarib qoldi, yoshlar unga
qaramaydilar, yoshlarga
yosh, qirchillamasi kerak-dedi
maslahatchi.
-Nega unday deysan, mana, mening
orqamdan
iliqib yurgan yoshlar
ko’p-ku?!-deya maqtandi Aldarko’sa.
Maslahatchi esa:
-Sizniki tabarruk-da!-dedi.
OBRO’
-Oltinning jilovini
amerikaliklardan ollaring,-dedi Aldarko’sa Bosh vazirga.
-Jilov o’zingizda-ku! Ularga
faqat chiqindilarni tozalashni
berganmiz. Chiqindini yuvib, ham
sizga atab, ham o’zlariga
oltin zarrachalarini
terishayotgandi...
-O’shani ham ollaring!
-O’zimiz tozalay olmasak nima
qilamiz, keyin..
-Ruslarga berlaring!
-Ular chiqindini emas, asl
konlarni olishmoqchi...
-Nima qipti?! Beraver, bizga
oltin emas, obro’ kerak!
HOMIY
-Bunisiga qanday ayb
topdilaring?-dedi Aldarko’sa maslahatchisi
G’ayridinga u keltirgan “Winrock
International” tashkilotiga
oid hujjatlarga qarar ekan.
-Bular “Islom dini va ayollar”
degan kitobni nashr etish uchun homiylik
qilishgan. Kitobdan juda ko’p
xato topdik. Payg’ambarimizning hayotlarini
yortishda qo’pol xatolar
qilingan. Hadislar buzib talqin etilgan.
Umuman
muallif dindan bexabar odam ekan.
Buning
ustiga ayollarimiz haqida ham
yaxshi gaplar yozilmagan,-dedi G’ayridin.
-Bu Barnoning kitobi emasmi?
-Ha, o’sha!
-O’tgan safar Barnoni ham,
kitobini ham rosa maqtagan eding. Bu
kitobni jahon tarixidagi noyob asar deb
ataganding-ku?!
-Unda “Amerika hamkorimiz!”
degan farmoni oliyingiz amalda edi-da!
Aldako’da G’ayridinga bir
alaydi-da:
-Bo’pti, kinoyani yigishtir,
Barnoga bu kitobni qayta nashr
qilish uchun homiyni Rossiyadan
topib ber!,-dedi.
GAZ
-Gazingni to’xtataman,-deya
baqirdi
Aldarko’sa tojik Imomaliga.
-Ako, mening gazimni
to’xtatsangiz, keyin nimani hidlab
o’tirasiz?,-deya javob qildi
Imomali.
“MEN O’ZIM”...
- Muxoliflarimiz biz haqimizda
faqat iflos gaplarni yozadilar,
shuning uchun sizlar ularning
vebsaytlariga
kirmalaring va ayniqsa,
“posting”larni o’qimalaring! –deya
buyurdi Aldarko’sa atrofidagi
maddohlariga.
-Ularga zarba berib turish uchun
nima yozayotganidan xabardor
bo’lishimiz kerak emasmi?-deya
so’radi maddohlardan biri.
Aldarko’sa unga bir alayib qaradi-da:
-Men o’zim xabardor bo’lib
turibman-ku!-dedi.
BAXTLI XALQ
-Dunyoda qanday yangiliklar
bor?-deya so’radi Aldarko’sa
maslahatchidan. Maslahatchi mana
bu xabarni o’qib berdi:
-Psixolog olim Endro Uayt
dunyodagi baxtli xalqlar
yashaydigan mamlakatlar
xaritasini hozirladi...
Ana shu xaritada sobiq Sovet
respubliklari ichida eng
yuqoriga O’zbekiston
chiqdi.(80-o’rin), tadqiqot
natijasiga ko’ra, “o’n besh opa-singildan” eng baxtsizi Moldova
(175 o’rin),
ja’mi 178 mamlakat orasida
Rossiya esa 167 o’rinda. (manba)
-Yaxshi olim ekan, yegan oshini
oqladi,- dedi Aldarko’sa.
XABAR
Dunyoda qanday xabarlar bor?-deb
so’radi
Aldarko’sa maslahatchisidan.
-Hamma joyda “Muxolifat bo’linib
ketdi”, deb yozishmodqa.
-Nima, ular birlashganmidi?
-O’tgan yili birlashganda,
odamlarimiz orqali joyida parchalagan
edik, bilasiz-ku dunyo
xabarlarni bir yil kechikib
yoritadi..
-Yaxshi ekan, unda saylovni
o’tkazdik deb rasmiylashtirib
qo’yaver...
31-7-2006
SIYOSATCHI
-Shoirni nima o’ldiradi?-deb
so’radi Aldarko’sa
maslahatchidan.
-Siyosatchini nima
o’ldirsa, shoirni ham o’sha
narsa o’ldiradi,-deb javob qildi
maslahatchi.
-Nima, shoirlar ham yolg’onchi
va ikkiyuzlamachi
bo’ladilarmi?-deya ajablandi
siyosatchi Aldarko’sa.
30-7-2006
-Xudoyim sendan o’lim so’rayman! Yalinaman, yolvoraman, istagimni
bajo keltir! Axir men o’zim uchun so’ramayapman-ku!
-Kim uchun so’rayapsan, bo’lmasa? Kim o’sha?- deya
xotinining yolvorishini kesdi Aladako’sa.
Xotini to’satdan paydo bo’lib qolgan erini ko’rib:
-Siz, siz…,-deb qoldi.
29-7-2006
QONSIZ
-Men inqilob qilaman,-dedi
muxolifatchi bir uchrashuvda.
-Ilgari ham inqilob qilganmisiz?
Tajribangiz bormi?-deb
so’rashdi undan.
-Yo’q birinchisi bu!
-U holda qanday qilasiz?
-Qon to’kmasdan…
28-7-2006
QUVG’INDA
-Sizning
qanday kuchingiz bor?-deb so’rashdi Amerikaga
kelgan muxolifatchidan.
-59 ta Nohukumat tashkiloti mening qo’l ostimda,-dedi u ko’kragiga urib.
-Ularning har birida qanchadan a’zo bor?
-Kamida bittadan!
-Ularning hammasi mamlakatingizning poytaxtidami yoki viloyatlarda ham bormi?
-Yo’q, hammasi tashqarida, quvg’inda…
27-7-2006
NAQDIDAN
-Bizdan nima istaysiz?-deb so’rashdi Amerikaga
kelgan muxolifatchidan.
-Naqdidan!
-Kechirasiz, bizning bunday imkoniyatimiz
yo’q. Biz naqd bera olmaymiz?
-Bo’lmasa, chek yozsangiz ham bo’laveradi.
26-7-2006
MUXOLIF
-Men hokimiyatga kelmoqchiman,-dedi bir O’zbek
muxolifi amerikaliklar bilan uchrashuvda.
-Qanday kelasiz?
-Agar xalq istasa, o’zi yo’lini ko’rsatadi.
-Agar istamasa-chi?
-Unda yana Amerikaga, sizlar bilan
uchrashuvga kelaman!
25-7-2006
MASLAHAT
Otchoparda Putin ot
choptirayotgan paytda Aldarko’sa
askiya qilib:
-Meni ham choptirgim kelayapti,-dedi
yonida turgan Nursultonga.
-Sen u yoshdan o’tgansan, hamma
narsaga havas qilma, endi
choptirolamysan,-deya javob
qildi Nursulton.
-Choptirgim kelsa. nima qilay,
ichaverib, qistanib
ketdim axir?-dedi askiyadan bor
gapga ko’chgan Aldarko’sa.
Nursulton miyig’ida kuldi-da:
-Juda ushlay olmasang,
bolaligingni esla!-dedi.
24-7-2006